好 介 紹

 

係網上購買CD,原來唔一定好貴0架,好似呢間位於新西蘭0既郵購CD網站咁, 比較舊0既CD,好似我郵購0個三隻--Nolans精選、Helen Reddy精選同Blondie精選咁0丫,平均都係十蚊紐幣咋, 即係大約三十六蚊港幣倒,而且係外國買,仲可以退回大約百分十購物稅,即是有九折打,真係幾抵,如果係HMV買, 坐底一百以上,加上郵費唔貴,三十幾蚊港幣三隻倒,各位真係可以考慮0下,尤其一d 0係香港都買唔倒0既CD。


 

位於台灣0既網上郵購CD 網,又係可以搵到香港無得賣0既台灣CD,另外 ,外國0既CD都可以買倒,價錢都算合理,但郵費實在太貴啦,皆因佢地以掛號郵件寄出,所以第一隻CD要收一百二十蚊台幣郵費, 即二十七、八蚊港幣,以後每加一隻要另加六十台幣,如果以香港呢個目的地0黎講,實在不合理!

不過,我係呢個網發現0左件"順"野,就係山口百惠告別演唱會DVD啦, 只係賣百幾蚊台幣咋,呢隻DVD係香港0既二手價要成百蚊0架,加埋郵費都唔駛一百,真係超值,至於仲有無其他好野, 就有賴有家搵0下啦,如果有乜新發現,記得話俾我知呀,唔該!

 

 

今日買o既DVD,真係幾好睇o架!杜麗莎o既表現,簡直超水準! 尤其同Elisa合唱o個首Flashdance,真係高下立見,Teresa 直情唱爆咪呀!另外,除o左葉麗儀、劉雅麗、夏韶聲、雷安娜、 沈澱霞、葉振棠、之外,仲有李香琴、譚炳文、崔萍、許冠英友情客串添!全長兩個鐘,真係值回票價!

推介歌曲:

杜麗莎--卡門、Tea for two、Flashdance。

 

今次真係「好介紹>」!係灣仔腦場買o既,65蚊,個sales話可以將CD表面o既花痕除去, 方法係唧d膏落去CD表面,然後打磨大約兩、三分鐘,點知今日試過,卒到手軟,花痕仍舊存在,真係吹脹!



回主頁