Free Hosting

Free Web Hosting with PHP, MySQL, Apache, FTP and more.
Get your Free SubDOMAIN you.6te.net or you.eu5.org or...
Create your account NOW at http://www.freewebhostingarea.com.

Cheap Domains

Cheap Domains
starting at $2.99/year

check

My Collection

Grasshopper the best--草蜢

依家睇番當時0既草蜢,真係非常老土,好似係大陸o岩o岩落o黎咁,不過佢地首"失戀",真係唱到街知巷聞,仲威到去台灣添!呢隻碟主要輯錄佢地初初出道o既大碟,大部分都係比較商業化作品,唔似得後期咁成熟

推介歌曲:失戀、半點心、歲月燃燒、心中的歌、舊唱片、紅唇的吻。

People are people--Depeche Mode

張係45轉細碟0黎o架,當時都係貪得意買o既o者,其實DM o既歌,我最鍾意都係<See You>,不過隻<People are people>都唔錯喎。其實值得一提o既,係佢地唱片o既設計,好多隻都好出色,唔信,你地第時去HMV時留意o下啦。

推介歌曲:People are people。

新曲 + 精選--彭家麗

原來彭家麗真係好多好歌,可惜歌紅人唔紅,可能係佢形象同埋個樣唔夠突出啦,另外,唱片公司亦好似無乜幫手咁,不過點都好啦,做0左歌唱老師o既佢,仍然可以繼續對樂壇作出貢獻。

推介歌曲:再見十九歲、飄、昨天今天下雨天、是不是這樣的夜晚,你才會這樣的想起我、月光曲、風鈴、何故何苦何必、讓妳感覺我的心再說愛妳

The best of--Helen Reddy

原來香港都有Helen Reddy精選買,前幾日係九龍灣A & B Record見到,不過肯定貴過我係紐西蘭網上買啦隻CD只係三十幾港幣0o真係幾抵入面有我幾鐘意而且係當年金唱片頒獎禮,結尾必定大合唱0既Keep on singing!

推介歌曲:Keeping on singing、I am woman、I don't know how to love him、And I love you so

蕭十一郎  圓月彎刀--汪明荃、羅文

又係一隻我幾喜歡o既唱片,記得當時係我日播夜播之下,并帶卒之俾我播到殘o左,呢隻碟仲得到當年商台暢銷榜幾星期冠軍添。原來汪明荃唔單止夾鄭少秋,亦都可以夾羅文喎

推介歌曲:舊侶難忘、百鳥和鳴、春花萬里香、星星與月亮、風雨情、圓月彎刀、但願呢個係你

萬水千山總是情--汪明荃

呢隻碟一半係<萬水千山總是情>歌曲,另一半係<渺渺情>大碟歌曲,所以成隻都幾喜歡,記得"渺渺情"係阿姐第一齣廣播劇,而男主角係李學斌,不過唔知呢家李係邊間公司做呢?睇番唱片封面,四哥都仲幾有型喎

推介歌曲:渺渺情、遙望白雲裡、一生幾多情份、找到愛情方向、百樣愛千重憂、面對山青水秀

Leslie--張國榮

呢隻應該係哥哥第一隻個人CD,想當年係麗的時期做show,諗住送頂帽俾觀眾做紀念,點知俾人掉番上台,唉!不過過o左"無線"同加盟"華星"之後,一隻"風繼續吹",另佢起死回生,真係時也,命也,哈哈

推介歌曲:風繼續吹、一片痴、那一記耳光、戀愛交叉、默默向上游、片段。

Stand up--張國榮

我記得呢隻碟o既黑膠版應該有四隻色,分別係紫、綠、黑同黃,唔知有無人全數擁有呢?隻碟以跳舞歌曲為主,個陣時o既Leslie簡直係萬人迷,仲同Alan Tam鬥到難分難解添,不過我都係鍾意哥哥多過譚詠麟

推介歌曲:Love me more、黑色午夜、Stand up、分手、打開信箱。

電視金曲精選第二輯

呢隻精選CD入面0既歌曲,可以話係陪伴住大家成長o既。而且大部分歌曲o既錄音都好好,尤其係年份比較久遠o既"芸娘""送郎"同"何處覓知音"等等,真係估唔到有咁好聲,不過部分歌曲又好"un"耳,好似阿姐同張之鈺合唱o既"清宮怨"咁,簡直係海軍鬥水兵,係阿姐係娛樂最難聽o既一首歌曲!

推介歌曲:啼笑姻緣、送郎、何處覓知音、田園春夢、心事、芸娘、相送、愛在心內暖、乘風破浪、思念、事事未滿足、十八相送、心有千千結。

情迷A-Go-Go

呢隻碟之所以推出,唔知係因為好姨定陳寶珠復出效應呢?不過寶珠姐d歌就小o左d啦!全隻碟最有份量o既就係個封面,唔係講笑,當時蕭芳芳都幾靚喎。

推介歌曲:四朵金花我們同歌唱林亞珍好女兒香港靚女多

6 Pair 半+城市民歌

最近Sony推出o左隻<關不掉的收音機>,又係收錄呢三隻大碟o既歌曲,呢三隻碟好似Sony o既搖錢樹咁,長賣長有,不如每張碟各自出番張復刻版咪仲好,費事搞咁多野,免除麻煩

推介歌曲:昨夜的渡輪上、風箏、問、冷雨、那一天、為甚麼、人在社會中、天各一方、堤岸、快樂時光。

華星金曲精選裝集 第2輯

呢隻係日本東芝版o黎o架,除此之外,真係無乜好講,純粹精選一張,只係想張樂迷一分一毫都搾乾搾淨之作。

推介歌曲:謊謬的愛情、無限風光、夢裡共醉、回來吧、誓不低頭、只此一晚、舊舞衣。

狂潮

點解娛樂唱片d CD賣咁鬼0架,最平呢隻都要$98,好係搶咁!不過有咁多自己細個時之歌曲,都值得買o既,尤其係隻"彩虹化身俠"呀,阿學友都係大show翻唱過呀,正!

推介歌曲:彩虹化身俠、心有千千結、無花果、Q太郎、父子情深、乘風破浪。

華納白金經典13首第二輯

碟入面有未出現係其他大碟,由林憶蓮主唱o既"成長路",兼且隻碟都有好多好歌,真係幾正o架

推介歌曲:一生何求、命運我操縱、成長路、半真半假、舊風褸、怎麼、流金歲月、幾分傷心幾分痴。

舊曲情懷第三輯

呢隻碟係一套碟o既其中一隻o黎o既,係信和二手店買0既,入面d歌曲都係六、七十年代o既,未聽過咪買o黎聽o下咯,都幾得意o架

推介歌曲:娥姐賣粉果、情人在遙遠、行正桃花運、諾言、愛恨嶺之戀、為了愛你

 

下一頁