上一頁

甄妮--甄妮

隻碟係甄妮懷孕時候出o既。前幾日係"信和"見到呢隻碟被炒到五百幾蚊真係嚇一跳其實早排"華星"幫Jenny出過一套碟入面差不多有齊呢兩隻碟o既歌啦點解重賣咁貴呢

推介歌曲:冷冷的秋、生命艷陽、生命的弦、多愛你一陣、心跳。

皆因你的愛--甄妮

有史以來最高貴o既形象,封面設計係Jackson Tang,即係邊個呢係華星出過兩張專輯同一套雙唱片演唱會錄音大碟,但成績都係麻麻,唔知因為未婚生子o既影響,定係同"華星"八字唔夾呢?不過隻碟真係好多快歌,會唔會係另一個原因呢

推介歌曲:皆因你的愛、只此一晚、舊舞衣、單身女郎、東南西北。

甄妮--Jenny

全港第一隻數碼錄音o既大碟,真係好有紀念價值,記得甄妮專登走去日本錄音添,不過點解隻碟無乜低音o既?係錄音同混音問題,抑或係器材問題呢

推介歌曲:木頭人、春曉、毛毛雨、憶夢、烘一烘、午夜街頭。

Super Sam--許冠傑

我都係最鍾意新藝寶時期o既許冠傑,歌詞無咁市井,題材又廣泛好多,同埋,呢個時期o既情歌係最正,總知,呢個時期o既阿Sam,令我感覺係好有愛心o既。

推介歌曲:珍惜、阿郎戀曲、心裡日記、沉默是金、Radio好知己、日本娃娃、愛是無言我有一個夢。

"仲夏夜"附送細碟--羅文

有人無著衫呀羅文應該係全港第一個拍全裸寫真o既歌星唱片出版年份係1981,因為怕同大碟風格有所抵觸,所以另外出0左張33 轉o既細碟,入面四首全部都係電視主題曲同插曲,電視劇包括"風雨晴""未了情"同"龍虎兩霸天"

推介歌曲:未了情、風雨晴。

任意讓時光倒流--鄧麗君

點解只中國有女歌手先可以揚威日本呢?係咪日本人特別咸濕呢?繼陳美齡、歐陽菲菲同鄧麗君之後,會唔會有男歌手可以入選紅白呢不過鄧麗君係日本真係幾威水,好似呢隻<任意時光倒流>咁,o係當年勇奪"有線放送大獎",同時又上紅白,風頭真係一時無兩,講真,首歌真係好好聽,very good

推介歌曲:任意讓時光倒流

彎彎十八首--呂方

Do Do姐背後o既男人,當初真係俾佢地嚇一跳,估唔到愛情真係可以衝破年齡界限,好似白姐姐同阿Paul咁,嘻嘻。隻碟輯錄佢係華星時期大部分o既代表作。

推介歌曲:同是寂寞人、別了秋天、每段路、妳令我快樂過、甜蜜十六歲、痴戀、聽不到的說話。

Al Mauj--中森明菜

係日本要成功,唔單止歌要唱得好,包裝都好重要。好似中森明菜咁,就係因為型像多變,先可以成功壓住松田聖子,做當時o既一姐!當年梅艷芳妖女o既型像,靈感可能來自佢呢個造型都唔定喎。

推介歌曲:Al Mauj

Strawberry time--松田聖子

有中森明菜就梗係有佢死對頭-松田聖子啦,真係估唔到佢可以係樂壇玩到咁耐,最近仲出0左隻"永遠的少女"添呢隻亦係45轉,係當時一間琴行清貨大減價時買o既,12蚊,淨係買個唱片封套都值回票值啦

推介歌曲:Strawberry time

One day in my life--杜德偉

我擁有o既第一隻杜德偉個人CD,想當年佢參加新秀,真係唔明評判點解會選佢,因為佢o既參賽歌曲係英文歌-Hello,佢o既當選,可能係佢媽咪張露o既關係都未定播

推介歌曲:隱瞞、擦身情緣、影子舞、今夜星光、單身個體、他也是人。

In your dreams--劉小慧

初出道以清純型像取勝,相信o個陣時都無邊個唔識學生情人劉小慧咯,成隻碟可聽性都非常高,不過係好commercial o個隻,相信都係迎合當時年青人口味。

推介歌曲:一世情緣、初戀情人、留住這一刻、如果這生、望星星、學生哥、兩心依然走近、迷路天使。

Linda Wong--王馨平

初出道時以美人魚o黎做號召,橫睇掂睇都唔覺佢似魚喎,究竟點解會有呢個外號呢?不過有老豆王羽、媽咪林翠同師傅甄妮o既背景,都唔能夠令佢大紅大紫,真係無計咯

推介歌曲:在你走的一天、難忘初戀、夢裡緣份、Wind beneath my wings。

馨平個性--王馨平

由玉女變成肉女,呢個轉變真係大咯,唔知係咪因為無o左師傅甄妮睇住,俾寶麗金d人搞成咁呢?不過隻碟d歌又幾o岩聽喎。

推介歌曲:沒有月亮的晚上、普通女人、即使一個夏季、甘心情願、生命有價。

秋颸--吳婉芳

吳婉芳第二隻個人大碟,封面同內頁都色彩繽紛,art director應記一功,其實吳都係唱得之人,個樣又靚,點解又唔可以大紅大紫呢?會唔會係唱片公司無力捧之故呢

推介歌曲:准我離開吧、醉生如夢、情難自控、地老天荒。

 

 

下一頁